ປິດຝຶກອົບຮົມ ຫົວຂໍ້ ການບັນຊີສໍາລັບອົງກອນທີ່ບໍ່ສະແຫວງຫາຜົນກຳໄລ

      ໃນວັນທີ 03-04 ສິງຫາ 2024 ທີ່ສະພາວິຊາຊີບນັກບັນຊີ ແລະ ນັກກວດສອບລາວ (ດົງຄໍາຊ້າງ) ໄດ້ ປິດຝຶກອົບຮົມ ກ່ຽວກັບຫົວຂໍ້ ການບັນຊີສໍາລັບອົງກອນທີ່ບໍ່ສະແຫວງຫາຜົນກໍາໄລ ຫຼື Accounting and Financial Management for Projects and Non-profit Organization ໂດຍການເປັນປະທານ ຂອງ ທ່ານ ຄໍາປີວ ທິບພະວົງພັນ ຮອງປະທານສະພາວິຊາຊີບນັກບັນຊີ ແລະ ນັກກວດສອບລາວ, ມີຜູ້ເຂົ້າຮ່ວມ ທັງໝົດມີ 124 ທ່ານ ທີ່ມາຈາກຈາກອົງກອນສາກົນ ທີ່ບໍ່ສະແຫວງຫາຜົນກຳໄລ, ຈາກກົມຄຸ້ມຄອງການບັນຊີ, ສະຖາບັນການເງິນ-ການບັນຊີ, ຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດ ພ້ອມທັງນິຕິບຸກຄົນທົ່ວໄປເຂົ້າຮ່ວມ.

ການຈັດຝຶກອົບຮົມຄັ້ງນີ້ ແມ່ນໄດ້ຈັດຂຶ້ນເປັນເວລາ 02 ວັນ ຄື: ວັນທີ 03-04/08/2024 ໂດຍໄດ້ມີ ເນື້ອໃນຫຼັກສໍາຄັນແມ່ນໄດ້ລົງເລິກກ່ຽວກັບ : ພື້ນຖານບັນຊີ ແລະ ການຄຸ້ມຄອງການເງິນໂຄງການ; ຮອບວຽນ ການບັນຊີ-ການຄຸ້ມຄອງການເງິນ ແລະ ຮອບວຽນຂອງໂຄງການ; ການຂຶ້ນແຜນງົບປະມານລວມ ແລະ ຜົນ ງົບປະມານກິດຈະກຳ; ຮອບວຽນບັນຊີ ແລະ ການບັນທຶກບັນຊີ; ການປິດບັນ ຊີທ້າຍເດືອນ, ໄຕມາດ ແລະ ຮອບປີ; ການຄຸ້ມຄອງຊັບສົມບັດຄົງທີ່; ການກະກຽມ, ການທົບທວນ ແລະ ການວິເຄາະບົດລາຍງານ; ການຕິດຕາມງົບປະມານ, ການກະກຽມກ່ອນການກວດສອບບັນຊີຈາກພາຍນອກ.

ໃນພິທີ ທ່ານ ຄໍາປິວ ທິບພະວົງພັນໄດ້ມີຄໍາເຫັນບາງຕອນສໍາຄັນວ່າ: ການຈັດຝຶກອົບຮົມລັກສະນະນີ້ ແມ່ນ ເພື່ອຍົກລະດັບຄວາມຮູ້ທາງດ້ານທິດສະດີ, ຄວາມສາມາດດ້ານການກວດສອບພາຍນອກ ໃຫ້ກັບນັກຝຶກ ອົບຮົມໃຫ້ມີຄວາມຊໍາ ນິຊໍານານເພີ່ມຂຶ້ນ ພ້ອມທັງເປັນການເພີ່ມຄວາມຮູ້ໃນການສ້າງເອກະສານລາຍງານ ການເງິນ ທີ່ກ່ຽວຂ້ອງກັບ ການບັນຊີທີ່ຕິດພັນກັບອົງກອນທີ່ບໍ່ສະແຫວງຫາຜົນກໍາໄລໃຫ້ມີຄວາມເຂົ້າໃຈຢ່າງ ເລິກເຊິ່ງກ່ຽວກັບຫຼັກການ ແລະ ວິທີການ.

​ພ້ອມນັ້ນ, ທ່ານ ຄໍາປີວ ທິບພະວົງພັນ ຍັງໄດ້ ເປັນກຽດມອບໃບຢັ້ງຢືນໃຫ້ແກ່ນັກສໍາມະນາກອນທີ່ສໍາເລັດ ຊຸດຝຶກອົບຮົມໃນຄັ້ງນີ້ອີກດ້ວຍ