cash flow training

ສຳມະນາຫົວຂໍ້ການສ້າງເອກກະສານການລາຍງານກະແສເງິນສົດ ຕາມມາດຕະຖານ

ໃນວັນທີ 26 ກັນຍາ 2024, ສະພາວິຊາຊີບນັກບັນຊີ ແລະ ນັກກວດສອບ (ສວ-ບກລ)ໄດ້ຮ່ວມກັບ ບໍລິສັດ ພຣາຍສວໍເຕີເຮົ້າສກູບເປີສ (ລາວ) ຈໍາກັດຜູ້ດຽວ ໄດ້ມີການຈັດຝຶກອົບຮົມ ກ່ຽວກັບ ມາດຕະຖານສາກົນດ້ານການສ້າງເອກະສານລາຍງານກະແສເງິນສົດ ໂດຍໄດ້ລົງເລີກການປະຕິບັດຕົວຈິງກ່ຽວກັບໃບລາຍງານກະແສເງິນສົດ, ການຝຶກອົບຮົມເປັນເວລາ 1 ວັນ ທີ່ສະຖາບັນການເງິນ ແລະ ການບັນຊີ (ດົງຄຳຊ້າງ). ຊຶ່ງການຝຶກອົບຮົມໃນຄັ້ງນີ້ ໄດ້ລົງເລິກເຂົ້າໃນຫຼາຍບັນຫາທີ່ກ່ຽວຂ້ອງກັບມາດຕະຖານການລາຍງານການເງິນເຊັ່ນ:ມາດຕະຖານກ່ຽວກັບໃບລາຍງານ ກະແສເງິນສົດ; ຜົນປະ ໂຫຍດຂອງໃບ ລາຍງານກະແສເງິນສົດ; ປະເພດຂອງໃບລາຍງານກະເເສເງິນສົດ; ເທັກນິກໃນການກະ ກຽມໃບລາຍງານກະແສເງິນສົດ

ການຝຶກອົບຮົມຄັ້ງນີ້ ໄດ້ມີຜູ້ເຂົ້້າຮ່ວມອົບຮົມທັງໝົດຈຳນວນ 90 ທ່ານ ໃນນີ້ມີຍິງ 56 ທ່ານ ເຊິ່ງໃນນັ້ນມີສະມາຊິກ, ຄູ່ຮ່ວມຍຸດທະສາດຂອງສະພາວິຊາຊີບນັກບັນຊີ ແລະ ນັກກວດສອບ ແລະ ບຸກ ຄົນທົ່ວໄປ ຈາກຫຼາຍພາກສ່ວນ ແລະ ພະນັກງານຈາກບໍລິສັດຕ່າງໆ ເຂົ້າຮ່ວມຢ່າງພ້ອມໜ້າ.

​ໃນຕອນທ້າຍ ທ່ານ ສອນໄຊ ສີລາເພັດ ປະທານສະພາວິຊາຊີບນັກບັນຊີ ແລະ ນັກກວດສອບແຫ່ງຊາດລາວ ໄດ້ຂຶ້ນມອບໃບຢັ້ງຢືນໃຫ້ແກ່ນັກຝຶກອົບຮົມ ແລະ ພິທີປິດການຝຶກກອົບຮົມ  ຈຳນວນ 90 ທ່ານ, ໂດຍການເຂົ້າ ຮ່ວມຂອງທ່ານ ອະພິສິດ ທ່ຽງຕົງພິນໂຍ ຮຸ້ນສ່ວນບໍລິສັດ ພຣາຍສວໍເຕີເຮົ້າສ ກູບເປີສ (ລາວ) ຈໍາກັດຜູ້ດຽວ ພ້ອມດ້ວຍຄະນະ.

ຂ່າວໃຫ້ຮູ້ຕື່ມວ່າ: ໃນວັນທີ 27 ກັນຍາ 2024 ກໍ່ຍັງໄດ້ມີການຈັດຝຶກອົບຮົມອີກ 1 ຫົວຂໍ້ ໃນຮູບແບບ 2 ລະບົບຄື: ແບບອອນລາຍ ແລະ ແບບເຂົ້້າເຊິ່ງໜ້າ ໂດຍຮ່ວຈັດ ລະຫວ່າງ ສະພາວິຊາຊີບນັກບັນຊີ ແລະ ນັກກວດສອບ ຮ່ວມກັບ ບໍລິສັດ ພຣາຍສວໍເຕີເຮົ້າສກູບເປີສ (ລາວ) ຈໍາກັດຜູ້ດຽວ ກ່ຽວກັບ: ບົດລາຍງານການກວດສອບ ແລະ ປະເດັນສໍາຄັນຂອງການກວດສອບ ໂດຍຈັດຂຶ້ນເປັນເວລາເຄິງມື້ຕອນເຊົ້າ ໃຫ້ແກ່ນັກຝຶກອົບຮົມ ໂດຍຫົວຂໍ້ນີ້ ໄດ້ເນັ້ນກ່ຽວກັບ ມາດ ຕະຖານ ISA700, ISA705 ແລະ ISA706 ໂດຍມີຜູ້ເຂົ້າຮ່ວມທັງໝົດລວມທັງ 2 ລະບົບ ມີຈຳນວນ 69 ທ່ານ ເຂົ້າຮ່ວມແບບເຊິ່ງໜ້າ 30 ທ່ານ ແລະ ທີ່ເຫຼືອ ແມ່ນເຂົ້າຮ່ວມທາງອອນລາຍ.
ໂດຍໃຫ້ກຽດເປັນປະທານປິທີປິດ ແລະ ມອບໃບຢັ້ງຢືນໂດຍ: ທ່ານ ຄຳປີວ ທິບພະວົງພັນ ຮອງປະທານສະມາວິຊາຊີບ ນັກບັນຊີ ແລະ ນັກກວດສອບ ເປັນປະທານມອບ.