ຝຶກອົບຮົມ ການບັນຊີ ສຳລັບເຄື່ອງໃນສາງ ຕາມມາດຕະຖານສາກົນ (IAS 2 - inventory training)

​ໃນວັນທີ 01 ພະຈິກ  2024, ສະພາວິຊາຊີບນັກບັນຊີ ແລະ ນັກກວດສອບ ໄດ້ຮ່ວມກັບ ບໍລິສັດ ພຣາຍສວໍເຕີເຮົ້າສກູບເປີສ (ລາວ) ຈໍາກັດຜູ້ດຽວ ຫຼື    (PwC Lao) ໄດ້ປິດການຈັດຝຶກອົບຮົມ ກ່ຽວກັບ ມາດຕະຖານສາກົນດ້ານການກວດສອບ ໂດຍການເຂົ້າຮ່ວມຂອງທ່ານ ສອນໄຊ ສີລາເພັດ ປະທານສະພາວິຊາຊີບນັກບັນຊີ ແລະ ນັກກວດສອບແຫ່ງຊາດລາວ ແລະ ທ່ານ ອະພິສິດ ທ່ຽງຕົງພິນໂຍ ຜູ້ຮ່ວມທຶນ ຫຼື ພາດເນີ ຂອງບໍລິສັດ PwC ລາວ ມີບັນດານັກສຳມະນາກອນມາຈາກ ພາກລັດ, ເອກະຊົນ, ອົງກອນບໍລິສັດໃນນາມບຸກຄົນທົ່ວໄປ ໃນລະບົບເຊິ່ງໜ້າ ແລະ ອອນລາຍທັງໝົດຈຳນວນ 62 ທ່ານ ໃນນັ້ນ, ມີຍິງ 35 ທ່ານເຂົ້າຮ່ວມ.

ຫົວຂໍ້ຝຶກອົບຮົມຄັ້ງນີ້ ແມ່ນໄດ້ເນັ້ນໃສ່ ການບັນຊີສຳລັບເຄື່ອງໃນສາງ ຕາມມາດຕະຖານສາກົນ IAS2 ຄື: ຫຼັກການຄິດໄລ່ຕົ້ນທຶນເຄື່ອງໃນສາງ ແລະ ການບັນທຶກບັນຊີຕາມມາດຕະຖານສາກົນ; ການປະຕິບັດຈິງກ່ຽວກັບວິທີການ ຂອງການບັນຊີສຳລັບເຄື່ອງໃນສາງຕາມມາດຕະຖານສາກົນ.

ທັງນີ້ກໍ່ເພື່ອຍົກລະດັບວິຊາຊີບແບບຕໍ່ເນື່ອງແກ່ສະມາຊິກ ສວ-ບກລ ທັງນິຕິບຸກຄົນ  ແລະ ບຸກຄົນທົ່ວໄປໃຫ້ມີຄວາມເຂົ້າໃຈຢ່າງເລິກເຊີ່ງ ກ່ຽວກັບມາດຕະຖານສາກົນດ້ານການກວດສອບ; ເພື່ອເປັນການຕິດຕາມ ແລະ ເກັບກໍາຊົ່ວໂມງຝຶກອົບຮົມດ້ານວິຊາຊີບ ( CPD ) ໃຫ້ກັບສະມາຊິກຂອງ ສວ-ບກລ.

ຕອນທ້າຍຂອງການຝຶກອົບຮົມ ໄດ້ມີພິທີມອບໃບຢັ້ງຢືນໃຫ້ແກ່ນັກຝຶກອົບຮົມ ແລະ ພິທີປິດການຝຶກອົບຮົມ ໂດຍໄດ້ຮັບກຽດເປັນປະທານກ່າວປິດ ພ້ອມທັງມອບໃບຢັ້ງໂດຍ ທ່ານ ສອນໄຊ ສີລາເພັດ ອີກດ້ວຍ