ພິທີມອບ-ຮັບໃບຢັ້ງຢືນນັກຊ່ຽວຊານບັນຊີລາວ ( Lao CPA certificate presentation ceremony )

5/6/2024

ໃນວັນທີ 26 ເມສາ 2024 ນີ້, ທີ່ໂຮງແຮມຄຣາວພາຊາ ນະຄອນຫຼວງວຽງຈັນ; ສະພາວິຊາຊີບນັັກບັນຊີ ແລະ ນັກກວດສອບ, ໄດ້ຈັດພິທີມອບ-ຮັບໃບຢັ້ງຢືນເປັນນັກຊ່ຽວຊານບັນຊີລາວ (ກິດຕິມະສັກ), ນັກຊ່ຽວຊານບັນຊີອາຊຽນ ແລະ ນັກຊຽວຊານບັນຊີລາວ ຊຸດທີ 15, ໂດຍການເປັນປະທານຂອງທ່ານ ບຸນປອນ ວັນນະຈິດ ຮອງລັດຖະມົນຕີກະຊວງການເງິນ, ມີທ່ານ ນາງ ຍອດ ແພງສົມບັດ ຫົວໜ້າກົມຄຸ້ມຄອງການບັນຊີ, ມີທ່ານ ສອນໄຊ ສີລາເພັດ ປະທານສະພາວິຊາຊີບນັັກບັນຊີ ແລະ ນັກກວດສອບ, ຮອງຫົວໜ້າກົມ, ຫົວໜ້າພະແນກກົມຄຸ້ມຄອງການບັນຊີ ກະຊວງການເງິນ, ຄະນະບໍລິຫານງານສະພາວິຊາຊີບນັກບັນຊີ ແລະ ນັກກວດສອບ, ແຂກຖືກເຊີນ, ພ້ອມດ້ວຍນັກບັນຊີເຂົ້າຮ່ວມ.
ໃນໂອກາດດັ່ງກ່າວສະພາວິຊາຊີບນັັກບັນຊີ ແລະ ນັກກວດສອບຍັງໄດ້ມອບໃບຢັ້ງຢືນເປັນນັກຊຽວຊານການບັນຊີລາວກິດຕິມະສັກໃຫ້ທ່ານ ທ່ານ ບຸນປອນ ວັນນະຈິດ ຮອງລັດຖະມົນຕີກະຊວງການເງິນ ນໍາອີກດ້ວຍ.

ມອບ-ຮັບໃບຢັ້ງຢືນເປັນນັກຊ່ຽວຊານບັນຊີລາວ (ກິດຕິມະສັກ)

ສຳລັບຫຼັກສູດວິຊາຊີບຊ່ຽວຊານບັນຊີທີ່ນໍາມາຝຶກອົບຮົມ ໃນຄັ້ງນີ້ ແມ່ນໄດ້ນໍາໃຊ້ຫຼັກສູດຂອງສະມາຄົມນັກຊ່ຽວຊານບັນຊີປະເທດອັງກິດ (ACCA) ໂດຍຜ່ານການເຫັນດີຈາກກະຊວງການເງິນ, ເຊິ່ງສອດຄ່ອງກັບມາດຕະຖານສາກົນດ້ານການສຶກສາ ແລະ ເປັນທີ່ຮັບຮູ້ໃນສາກົນປະກອບມີ 13 ວິຊາໂດຍແບ່ງອອກເປັນຂັ້ນພື້ນຖານ 9 ວິຊາ ແລະ ຂັ້ນວິຊາຊີບ 4 ວິຊາ, ຊຶ່ງນັກຝຶກອົບຮົມຕ້ອງໄດ້ເສັງຜ່ານທັງໝົດ ແລະ ຕ້ອງໄດ້ຜ່ານການສອບເສັງຈັນຍາບັນດ້ານວິຊາຊີບການບັນຊີ, ຈຶ່ງຖືວ່າສຳເລັດຕາມຫຼັກສູດກຳນົດ; ຫຼັງຈາກນັ້ນຕ້ອງໄດ້ເຂົ້າສູ່ຂະບວນການຝຶກງານ-ປະເມີນປະສົບການ ຕາມລະບຽບການຝຶກງານເປັນນັກຊ່ຽວຊານບັນຊີ, ຖ້າຜ່ານເກນຕາມລະບຽບກຳນົດຈຶ່ງສາມາດສະເໜີຮັບຮອງເປັນນັກຊ່ຽວຊານບັນຊີໄດ້.

ມອບ-ຮັບໃບຢັ້ງຢືນເປັນນັກຊ່ຽວຊານບັນຊີ ອາຊຽນ (ASEAN CPA)