ກົມຄຸ້ມຄອງການບັນຊີ ຮ່ວມກັບ ສະພາວິຊາຊີບນັກບັນຊີ ແລະ ນັກກວດສອບຝຶກອົບຮົມ ການບັນຊີວິສາຫະກີດ

ໃນວັນທີ 13 ທັນວາ 2024, ກົມຄຸ້ມຄອງການບັນຊີ ກະຊວງການເງິນ ຮ່ວມກັບ ສວ-ບກລ ໄດ້ມີພິ¬ທີ ປິດຊຸດຝຶກອົບຮົມ ວຽກງານບັນຊີທ້າຍສະໄໝ ການບັນຊີວິສາຫະກີດ ທີ່ຕິດພັນກັບວຽກງານທ້າຍສະໄໝ ຂອງທຸລະກິດການຜະລິດໃຫ້ແກ່ພະນັກງານບັນຊີ ຈາກຫົວໜ່ວຍວິສາຫະກິດ ແລະ ວິສາຫະກິດບໍລິການບັນຊີ ແລະ ກວດສອບ. ໂດຍການເປັນປະ¬ທານ ແລະ ມອບໃບຢັ້ງຢືນຂອງ ທ່ານ ນາງ ດາວອນ ທອງຈັນ ຫົວໜ້າກົມຄຸ້ມຄອງການບັນຊີ, ມີຫົວໜ້າສະຖາບັນການເງິນ ແລະ ການບັນຊີ, ມີຄະນະພະແນກ, ພະນັກງານກ່ຽວຂ້ອງເຂົ້າຮ່ວມ.

ບັນດານັກສຳມະນາກອນ ທີ່ໄດ້ຮັບໃບ¬ຢັ້ງ¬ຢືນໃນຄັ້ງນີ້ ແມ່ນໄດ້ຜ່ານການ ຮັບຟັງການນຳສະເໜີ ກ່ຽວກັບ ການກຳນົດຜັງບັນຊີ ສະເພາະການບໍລິການທີ່ຕິດພັນກັບທຸລະກິດການຜະລິດເຊັ່ນ: ການຊື້ວັດຖຸດິບ ແລະ ວັດຖຸປະກອບເພື່ອຜະລິດເປັນຜະລິດຕະພັນໃນການຈຳໜ່າຍ (ອີງຕາມໂຈດທີ່ຕັ້ງຂຶ້ນ) ໂດຍໄດ້ຮຽນຮູ້ກ່ຽວກັບບັນດາລາຍການເຄື່ອນໄຫວປະຈຳວັນ, ລາຍການປັບປຸງທ້າຍສະໄໝ, ການສ້າງໃບລາຍງານສົມທຽບຜົນໄດ້ຮັບດ້ານບັນຊີ ແລະ ດ້ານອາກອນ, ການຄິດໄລ່ ຕົວເລກເຂົ້າໃນໃບລາຍງານກະແສເງິນສົດ, ການສ້າງບົດອະທິບາຍຊ້ອນທ້າຍ ເອກະສານລາຍງານການເງິນ ແລະ ການນຳໃຊ້ໂປຣ ແກຣມບັນຊີ.

ຈຸດປະສົງຂອງການຝຶກອົບຮົມ ແມ່ນແນ່ໃສ່ ເພື່ອຍົກລະ¬ດັບຄວາມຮູ້ ດ້ານວຽກງານການບັນຊີວິສາຫະກິດ ທີ່ໄດ້ຮັບຮອງຈາກ ລັດຖະມົນຕີ ກະຊວງການເງິນ ໃຫ້ແກ່ຜູ້ທີ່ເຂົ້າຮ່ວມຝຶກອົບຮົມ ເພື່ອນຳ-ໄປຈັດຕັ້ງປະ¬ຕິ¬ບັດຕົວຈິງ ໃຫ້ມີຄວາມເປັນເອ¬ກະພາບກັນໃນຂອບເຂດທົ່ວປະເທດ.
ໂອກາດນີ້ທ່ານ ນາງ ດາວອນ ທອງຈັນ ໄດ້ມີຄຳເຫັນບາງບັນຫາສຳຄັນວ່າ: ການຈັດຝຶກອົບຮົມຄັ້ງນີ້ ເພື່ອຍົກລະດັບຄວາມຮູ້ ດ້ານວຽກງານການບັນຊີວິສາຫະກິດ ທີ່ໄດ້ຮັບຮອງຈາກ ລັດຖະມົນຕີ ກະຊວງການເງິນ ໃຫ້ແກ່ພະນັກງານບັນຊີ ຂອງຫົວໜ່ວຍທຸລະກິດ, ວິສາຫະກິດບັນຊີ-ກວດສອບ, ສະມາຊິກ ສະພາວິຊາຊີບນັກບັນຊີ-ນັກກວດສອບ ແລະ ຄູ-ອາຈານ ຈາກສະຖາບັນການສຶກສາ ເພື່ອນຳ¬ໄປຈັດຕັ້ງປະ¬ຕິ¬ບັດຕົວຈິງ ໃຫ້ມີຄວາມເປັນເອກະພາບກັນ ໃນຂອບເຂດທົ່ວປະເທດ. ສິ່ງສຳຄັນທີ່ສຸດກໍແມ່ນຮຽກຮ້ອງໃຫ້ ນັກສຳມະນາກອນ ໃຫ້ນຳເອົາຄວາມຮູ້ ຄວາສາມາດໄປນຳໃຊ້ເຂົ້າໃນການເຮັດວຽກຕົວຈິງຢ່າງມີປະສິດທິພາບ ແລະ ປະສິດທິຜົນ ມີຄວາມວ່ອງໄວ ໂປ່ງໃສ ສາມາດກວດສອບໄດ້.