ກົມຄຸ້ມຄອງການບັນຊີ ກະຊວງການເງິນ ຮ່ວມກັບ ສະພາວິຊາຊີບນັກບັນຊີ ແລະ ນັກກວດສອບ ໄດ້ຈັດຝຶກອົບຮົ

ໃນວັນທີ 08 ພະຈິກ 2024 ກົມຄຸ້ມຄອງການບັນຊີ ກະຊວງການເງິນ ຮ່ວມກັບ ສວ-ບກລ ໄດ້ມີພິ¬ທີປິດຊຸດຝຶກອົບຮົມ ວຽກງານບັນຊີທ້າຍສະໄໝ ໃຫ້ແກ່ພະນັກງານບັນຊີ ຂອງຫົວໜ່ວຍທຸລະກິດ ແລະ ວິສາຫະກິດບັນຊີ-ກວດສອບ. ໂດຍການເຂົ້າຮ່ວມຂອງ ທ່ານ ວັນໄຊ ທອງສີທາວົງ ຮອງຫົວໜ້າກົມຄຸ້ມຄອງການບັນຊີ ກະຊວງການເງິນ, ທ່ານ ຟອງສີສຸພັນ ພົມມະລາວົງ ຫົວໜ້າສະຖາບັນການເງິນ ແລະ ການບັນຊີ, ທ່ານ ບຸນເຫຼືອ ດາວວິໄລ ຮອງປະທານສະພາວິຊາຊີບນັກບັນຊີ ແລະ ນັກວດສອບ ແລະ  ຄະນະວິຊາການ ພະແນກ ການກ່ຽວຂ້ອງ ກົມຄຸ້ມຄອງການບັນຊີ, ພ້ອມດ້ວຍແຂກທີ່ຖືກເຊີນ, ພະນັກງານບັນຊີ ຂອງຫົວໜ່ວຍທຸລະກິດ, ວິສາຫະກິດບັນຊີ-ກວດສອບ, ສະມາຊິກສະພາວິຊາຊີບນັກບັນຊີ-ນັກກວດສອບ ແລະ ຄູ-ອາຈານ ຈາກສະຖາບັນການສຶກສາ ເຂົ້າຮ່ວມ ຈຳນວນ  50 ທ່ານ.

​ບັນດານັກສຳມະນາກອນ ແມ່ນໄດ້ຮັບຟັງການນຳສະເໜີ, ພ້ອມກັນຄົ້ນຄວ້າ ການບັນຊີສຳລັບການຄ້າ. ໂດຍໄດ້ລົງເລິກກ່ຽວກັບ ການກຳນົດຜັງບັນຊີ ສະເພາະການຄ້າ (ອີງຕາມໂຈດທີ່ຕັ້ງຂຶ້ນ), ບັນດາລາຍການເຄື່ອນໄຫວປະຈຳວັນ, ບັນດາລາຍການປັບປຸງທ້າຍສະໄໝ, ການສ້າງໃບລາຍງານສົມທຽບຜົນໄດ້ຮັບດ້ານບັນຊີ ແລະ ດ້ານອາກອນ, ການຄິດໄລ່ ຕົວເລກເຂົ້າໃນ ໃບລາຍງານກະແສເງິນສົດ, ການສ້າງບົດອະທິບາຍຊ້ອນທ້າຍ ເອກະສານລາຍງານການເງິນ ແລະ ການນຳໃຊ້ໂປຣແກຣມບັນຊີ.

ທັງນີ້, ກໍ່ເພື່ອຍົກລະ¬ດັບຄວາມຮູ້ ດ້ານວຽກງານການບັນຊີວິສາຫະກິດ ທີ່ໄດ້ຮັບຮອງຈາກ ລັດຖະມົນຕີກະ ຊວງການເງິນ ໃຫ້ແກ່ພະນັກງານບັນຊີ ຂອງຫົວໜ່ວຍທຸລະກິດ, ວິສາຫະກິດບັນຊີ-ກວດສອບ, ສະມາຊິກ ສະພາວິຊາຊີບນັກບັນຊີ-ນັກກວດສອບ ແລະ ຄູອາຈານ ຈາກສະຖາບັນການສຶກສາ ເພື່ອນຳໄປຈັດຕັ້ງປະຕິບັດຕົວຈິງ ໃຫ້ມີຄວາມເປັນເອກະພາບກັນ ໃນຂອບເຂດທົ່ວປະເທດ.

​ ໂອກາດນີ້ ທ່ານ ວັນໄຊ ທອງສີທາວົງ ຮອງຫົວໜ້າກົມຄຸ້ມຄອງການບັນຊີ ກະຊວງການເງິນໄດ້ໃຫ້ກຽດ ມອບໃບຢັ້ງຢືນ ຈຳນວນ 50 ທ່ານ ໃນນັ້ນ, ຈາກພະນັກງານບັນຊີ ຂອງຫົວໜ່ວຍທຸລະກິດທົ່ວໄປ ຈຳນວນ 16 ທ່ານ, ພະນັກງານຈາກ ບໍລິສັດບັນຊີ-ກວດສອບ ຈຳນວນ 17 ທ່ານ, ບຸກຄົນທີ່ເປັນສະມາຊິກ ສະພາວິຊາຊີບນັກບັນຊີ-ນັກກວດສອບ ຈຳນວນ 09 ທ່ານ ແລະ ຄູ-ອາຈານ ຈາກສະຖາບັນການສຶກສາ ຈຳນວນ 08 ທ່ານ.