global internal audit standard training

ຝຶກອົບຮົມ ມາດຕະຖານການກວດສອບພາຍໃນ 

ວັນ​ສຸກ ທີ 01 ສິງຫາ 2025 ສະພາວິຊາຊີບນັກບັນຊີ ແລະ ນັກກວດສອບ (ສວ-ບກລ) ໄດ້​ຈັດ​ຝຶກ​ອົບ​ຮົມຂຶ້ນ ເປັນຫົວຂໍ້ທີ 12 ຂອງປີ ຫົວຂໍ້ ກ່ຽວກັບ “ການຄຸ້ມຄອງ, ການບໍລິຫານໜ່ວຍງານກວດສອບ ແລະ ການວາງແຜນຍຸດທະສາດການກວດສອບພາຍໃນ” (Global Internal Audit Standard) ໃຫ້ກັບສະມາຊິກບຸກຄົນ ສວ-ບກລ ແລະ ບຸກຄົນທົ່ວໄປ ທີ່ສົນໃຈ ການຝຶກອົບຮົມດັ່ງກ່າວແມ່ນໄດ້ຈັດຂຶ້ນເປັນເວລາ 1 ວັນ ເລີ່ມ 09:00-16:30 ໂມງ ການຝຶກອົບຮົມແມ່ນໄດ້ຈັດຂຶ້ນຢູ່ທີ່ຫ້ອງຝຶກອົບຮົມ ຂອງ ສວ-ບກລ ໂດຍຈັດຂຶ້ນໃນຮູບແບບ 2 ລະບົບຄື: ລະບົບເຂົ້າເຊິ່ງໜ້າ ແລະ ການເຂົ້າຮ່ວມແບບອອນລາຍ ຜ່ານ Google meet.

ຊຶ່ງການຝຶກອົບຮົມດັ່ງກ່າວ ໃຫ້​ກຽດ​ເປັນຜູ້ບັນລະຍາຍໂດຍ​ ທ່ານ ຄຳປີວ ທິບພະວົງພັນ ຮອງປະທານ ສະພາວິຊາຊີບນັກບັນຊີ ແລະ ນັກກວດສອບ.
​
 ເນື້ອໃນຂອງການຝຶກອົບຮົມແມ່ນໄດ້ລົງເລິກກ່ຽວກັບ ການຄຸ້ມຄອງໜ່ວຍງານກວດສອບພາຍໃນ ທີ່ໄດ້ອະທິບາຍເຖີງ ໂຄງສ້າງການຄຸ້ມຄອງ, ບົດບາດຂອງຄະນະກຳມະການກວດສອບ ແລະ ການບໍລິຫານລະດັບສູງ ແລະ ການພັດທະນາກົດລະບຽບການກວດສອບພາຍໃນ, ຊຶ່ງນັກກວດສອບຕ້ອງຮູ້ເຖີງ ສະຖານະການຕົວຈິງຂອງບໍລິສັດທີ່ຕິດພັນກັບຄວາມທ້າທາຍໃນການ ຄຸ້ມຄອງ ແລະ ຈັນຍາບັນ. ແລະ ນອກຈາກນີ້ ອາຈານຜູ້ບັນຍາຍ ກໍ່ໄດ້ອະທິບາຍເຖີງຂັນຕອນ ແລະ ວິທີການວາງແຜນຍຸດທະສາດການກວດສອບ, ການວາງແຜນການກວດສອບຕາມຄວາມສ່ຽງ, ການຄຸ້ມຄອງຊັບພະຍາກອນ ແລະ ການວັດແທກການດຳເນີນງານ.

​ໂດຍມີຜູ້ເຂົ້າຮ່ວມ ຈຳນວນ 91 ທ່ານ ເປັນ ຍິງ 49 ທ່ານ ຊຶ່ງຜູ້ເຂົ້າຮ່ວມສ່ວນໃຫຍ່ ແມ່ນ ສະມາຊິກ ບຸກຄົນ ສວ-ບກລ ມີ 48 ທ່ານ ສ່ວນທີ່ເຫຼືອແມ່ນມາຈາກ ນັກຝຶກອົບຮົມ CPA, ບຸກຄົນທົ່ວໄປ ແລະ ແຂກຮັບເຊີນມາຈາກຄູ່ຮ່ວມຍຸດທະສາດຂອງ ສວ-ບກລ. ກ່ອນຈະສີ້ນສຸດການຝຶກອົບຮົມ ກໍ່ໄດ້ມີພິທີມອບ-ຮັບໃບຢັ້ງຢືນໃຫ້ກັບນັກຝຶກອົບຮົມ ແລະ ຖ່າຍຮູບຮ່ວມກັນ.

 ຫຼັງຈາກ ສຳເລັດການຝຶກອົບຮົມ ຂອງວັນດຽວກັນ ສວ-ບກລ ກໍ່ໄດ້ມີກິດຈະກຳການສ້າງຄວາມສາມັກຄີຮ່ວມກັນ ດ້ວຍການເຕະບານຊາຍ ແລະ ກິດຈະກຳດຶງເຊືອກ ລະຫວ່າງ ສະມາຊິກບຸກຄົນ ສວ-ບກລ ພົບກັບ ກົມຄຸ້ມຄອງການບັນຊີ ກະຊວງການເງິນ  ອິກດ້ວຍ ເຊິງກິດຈະກຳດັ່ງກ່າວ ແມ່ນຈະຈັດຂຶ້ນຢູ່ທີ່ເດີ່ນບານເຕະ FERRARI FC ເວລາ 18:00 ໂມງ