internal audit standard training

ໃນວັນ​ທີ 23 ພຶດສະພາ 2025 ສະພາວິຊາຊີບນັກບັນຊີ ແລະ ນັກກວດສອບ ໄດ້​ຈັດ​ຝຶກ​ອົບ​ຮົມຂຶ້ນກ່ຽວກັບ
“ ຝຶກອົບຮົມ ມາດຕະຖານການກວດສອບພາຍໃນ  (Internal Audit Standard) ໃຫ້ກັບສະມາຊິກບຸກຄົນ ສວ-ບກລ ແລະ ບຸກຄົນທົ່ວໄປ ທີ່ສົນໃຈ ການຝຶກອົບຮົມດັ່ງກ່າວແມ່ນໄດ້ຈັດຂຶ້ນເປັນເວລາ 1 ວັນ ເລີ່ມ 09:00-16:30 ໂມງ ໂດຍຈັດຂຶ້ນໃນຮູບແບບ 2 ລະບົບຄື: ລະບົບເຂົ້າເຊິ່ງໜ້າ ແລະ ອອນລາຍ ຜ່ານ Google meet.

​ໂດຍເນື້ອໃນຂອງການຝຶກອົບຮົມແມ່ນໄດ້ລົງເລິກກ່ຽວກັບ

• ຄວາມຮູ້ພື້ນຖານສຳຄັນ ກ່ຽວກັບ ຈັນຍາບັນ ແລະ ການຄຸ້ມຄອງ.
• ພາບລວມຂອງມາດຕະຖານສາກົນວ່າດ້ວຍການກວດສອບພາຍໃນ.
• ຈຸດປະສົງຂອງການກວດສອບພາຍໃນ.
• ການຄຸ້ມຄອງໜ່ວຍງານກວດສອບພາຍໃນ.
• ກໍລະນີສຶກສາ:  ການວິເຄາະສະຖານະການຕົວຈິງຂອງບໍລິສັດຕ່າງປະເທດທີ່ຕິດພັນກັບຄວາມທ້າທາຍໃນການຄຸ້ມຄອງ ແລະ ຈັນຍາບັນ.

ຊຶ່ງການຝຶກອົບຮົມດັ່ງກ່າວ ໃຫ້​ກຽດ​ເປັນຜູ້ບັນລະຍາຍໂດຍ​ ທ່ານ ຄຳປີວ ທິບພະວົງພັນ ຮອງປະທານ ສະພາວິຊາຊີບນັກບັນຊີ ແລະ ນັກກວດສອບ.
​
​ໂດຍເນື້ອໃນຂອງການຝຶກອົບຮົມ ແມ່ນໄດ້ເນັ້ນໃສ່ເນື້ອໃນການຍົກສູງພາລະບົດບາດ ໜ້າທີ່ ຂອງການເປັນນັກກວດສອບ ແລະ ຄວາມມີຈັນຍາບັນໃນໜ້າທີ່ຂອງການເປັນນັກກວດສອບ ຕາມມາດຕະຖານການກວດສອບພາຍໃນ.
ການຝຶກອົບຮົມດັ່ງກ່າວ ແມ່ນມີຜູ້ເຂົ້າຮ່ວມ ຈຳນວນ 89 ທ່ານ ເປັນ ຍິງ 46 ທ່ານ ຊຶ່ງຜູ້ເຂົ້າຮ່ວມສ່ວນໃຫຍ່ ແມ່ນ ສະມາຊິກ ບຸກຄົນ ສວ-ບກລ ມີ 44 ທ່ານ ສ່ວນທີ່ເຫຼືອແມ່ນມາຈາກ ນັກຝຶກອົບຮົມ CPA, ບຸກຄົນທົ່ວໄປ ແລະ ແຂກຮັບເຊີນມາຈາກຄູ່ຮ່ວມຍຸດທະສາດຂອງ ສວ-ບກລ. ເຂົ້າຮ່ວມແບບເຊິ່ງໜ້າ 32 ທ່ານ ແລະ ເຂົ້າຮ່ວມອອນລາຍ 57 ທ່ານ.