LCPAA-ACCA future working plan meeting

​ວັນທີ 13 ທັນວາ 2024 ທີ່ຜ່ານມາ ນຳໜ້າໂດຍ ທ່ານ ຄຳປິວ ທິບພະວົງພັນ ຮອງປະທານ ສະພາວິຊາຊີບັນຊີ ແລະ ນັກກວດສອບ ພ້ອມດ້ວຍ ຄະນະບໍລິຫານງານ ແລະ ພະນັກງານວິຊາການຂອງ ສວ-ບກລ ໄດ້ໃຫ້ການຕ້ອນຮັບ ການຍ້ຽມຢາມຕົວແທນຈາກ ACCA (Association of Chartered Certified Public Accountants_ສະມາຄົມນັກບັນຊີ ປະເທດອັງກິດ) ເຊິງ ມີ Mr. Ren Varnma (Head of Mainland Southeast Asia), Mr. Ratna Neou (ACCA Country Manager Cambodia and Laos), ແລະ Mr. Sim Chankiriroth, FCCA, CEO and Founder, Banhji Fintech,

ເຊິງການຍ້ຽມຢາມໃນເທື່ອນີ້ ໄດ້ມີການປະຊຸມ ແລະ ປຶກສາຫາລືກ່ຽວກັບການວ່າງແຜນຍຸດທະສາດຮ່ວມກັນ ວ່າດ້ວຍການປະເມີນ -ການປັບປຸງ ແລະ ການນຳໃຊ້ຫຼັກສູດທີ່ເປັນພາສາສາອັງກິດ ນຳເຂົ້າສູ່ຫຼັກສູດການຮຽນການສອນ ຂອງຫຼັກສູດວິຊາຊີບຊ່ຽວຊານບັນຊີລາວ ເພື່ອເປັນການຊຸກຍູ້ສົງເສີມ, ຍົກລະດັບ ແລະ ພັດທະນາວິຊາຊິບການບັນຊີ ໃນ ສປປ ລາວ ພ້ອມທັງໄດ້ປຶກສາຄວາມເປັນໄປໄດ້ໃນການຂະຫຍາຍກິດຈະກຳຮ່ວມມືກັນໃນອະນາຄົດອີກດ້ວຍ. ໂດຍການຕ້ອນຮັບ ແລະ ປຶກສາຫາລື ໃນການວາງແຜນຍຸດທະສາດດັ່ງກ່າວນີ້ ໄດ້ມີ ທ່ານ ສອນໄຊ ສີລາເພັດ ປະທານ ສະພາວິຊາຊີບນັກບັນຊີ ແລະ ນັກກວດສອບ ພ້ອມດ້ວຍຄະນະບໍລິຫານງານ ທີ່ບໍ່ສາມາດເຂົ້າຮ່ວມແບບເຊິງໜ້າ ກໍໄດ້ໃຫ້ກຽດເຂົ້າຮ່ວມໃນການປຶກສາຫາລື ແລະ ແລກປ່ຽນ ຜ່ານທາງລະບົບອອນລາຍອິກດ້ວຍ.