practical training on Financial Modeling

​ສະພາວິຊາຊີບ ນັກບັນຊີ ແລະ ນັກກວດສອບ ສຳເລັດການຝຶກອົບຮົມ ການສ້າງແບບຈຳລອງທາງການເງິນ ພາກລົງເລິກການປະຕິບັດຕົວຈິງ

ເພື່ອເປັນການຍົກລະດັບຄວາມຮູ້ທາງດ້ານທິດສະດີ, ຄວາມສາມາດດ້ານການວາງແຜນທາງການເງິນ ແລະ ເພື່ອສ້າງເຂົ້າໃຈຢ່າງເລິກເຊິ່ງດ້ານການປະຕິບັດຕົວຈິງໃນການສ້າງແບບຈຳລອງທາງການເງິນຂອງທຸລະກິດ ໃຫ້ກັບນັກຝຶກອົບຮົມໃຫ້ມີຄວາມຊຳນານຂຶ້ນ.
​ໃນວັນທີ 31 ສິງຫາ – 1 ກັນຍາ 2024, ສະພາວິຊາຊີບ ນັກບັນຊີ ແລະ ນັກກວດສອບ ຫຼື ສວ-ບກລຮ່ວມກັບ ບໍລິ ສັດ ເຄເອັມເອັສ ທີ່ປຶກສາ ແລະ ການຄ້າ ໄດ້ເປີດຝຶກອົບຮົມຂຶ້ນ ໃນຫົວຂໍ້: ການສ້າງແບບຈຳລອງທາງການເງິນພາກລົງເລິກການປະຕິບັດຈິງ ເປັນເວລາ 2 ວັນ ມີຜູ້ເຂົ້້າຮ່ວມຝຶກອົບຮົມທັງໝົດມີ  36 ທ່ານ, ຍິງ 21 ທ່ານ ໃນນັ້ນ ມີພະນັກງານວິຊາການທີ່ໄດ້ຖືກເຊີນ ມາຈາກ ສະພາວິຊາຊີບນັກບັນຊີ ແລະ ນັກກວດສອບ ແລະ ແຂກທີ່ຖືກເຊີນ ລວມ 05 ທ່ານ, , ສະມາຊິກສາມັນບຸກຄົນ ຂອງ ສວ-ບກລ 15 ທ່ານ, ສະມາຊິກບຸກຄົນສະໜັບສະໜູນ 1 ທ່ານ, ນັກຝຶກອົບຮົມ CPA 09 ທ່ານ  ແລະ ບຸກຄົນທົ່ວໄປ ມາຈາກພາກສ່ວນບໍລິສັດ ທີ່ເຂົ້າຮ່ວມນຳ 06 ທ່ານ.ໂດຍມີເນື້ອໃນຫຼັກສຳຄັນ ຂອງການຝຶກອົບຮົມດັ່ງນີ້: ການກຳນົດສົມມຸດຕິຖານ (Assumptions); ການສ້າງຕາຕະລາງສະໜັບສະໜູນ (Supporting Schedules);ການຄາດຄະເນການສ້າງໃບລາຍງານຜົນການດຳເນີນງານ (Profit/Loss Statement); ການຄາດຄະເນການສ້າງໃບລາຍງານຖານະການເງິນ (Statement of Financial position); ການຄາດຄະເນການສ້າງໃບລາຍງານກະແສເງິນສົດ (Statement of Cash flow); ການປະເມີນມູນຄ່າຮຸ້ນ (ມູນຄ່າທຸລະກິດ) (Business Valuation)

ໃນຕອນທ້າຍຂອງພິທີ ທ່ານ ສອນໄຊ ສີລາເພັດ ປະທານສະພາວິຊາຊີບນັກບັນຊີ ແລະ ນັກກວດສອບໄດ້ໃຫ້ກຽດຂຶ້ນມອບໃບຢັ້ງຢືນໃຫ້ແກ່ ນັກສຳມະນາກອນ ຈຳນວນ 36 ທ່ານ ທີ່ສຳເລັດການຝຶກອົບ ຮົມຄັ້ງນີ້ອີກດ້ວຍ. ​