ຂ່າວ

ກົມຄຸ້ມຄອງການບັນຊີ ກະຊວງການເງິນ ຮ່ວມກັບ ສະພາວິຊາຊີບນັກບັນຊີ ແລະ ນັກກວດສອບ (ສວ-ບກລ) ໄດ້ຈັດຝຶກອົບຮົມ ວຽກງານບັນຊີທ້າຍສະໄໝ ໃຫ້ແກ່ພະນັກງານບັນຊີຂອງຫົວໜ່ວຍທຸລະກິດ ແລະ ວິສາຫະກິດບັນຊີກວດສອບ

  ກົມຄຸ້ມຄອງການບັນຊີ ກະຊວງການເງິນ ຮ່ວມກັບສະພາວິຊາຊີບນັກບັນຊີແລະນັກກວດສອບໄດ້ຈັດຊຸດຝຶກອົບຮົມ ວຽກງານບັນຊີທ້າຍສະໄໝ ໃຫ້ແກ່ພະນັກງານບັນຊີຂອງຫົວໜ່ວຍທຸລະກິດ ແລະ ວິສາຫະກິດບັນຊີກວດສອບ ໂດຍການເປັນປະທານ ຂອງທ່ານ ວັນໄຊ ທອງສີທາວົງ ຮອງຫົວໜ້າກົມຄຸ້ມຄອງການບັນຊີ, ມີບັນດາຄະນະພະແນກພະນັກງານກົມຄຸ້ມຄອງການບັນຊີ, ມີຫົວໜ້າຫ້ອງການ, ພະນັກງານວິຊາການ ຂອງ ສະພາວິຊາຊີບນັກບັນຊີ ແລະ ນັກກວດສອບ (ສວ-ບກລ), ມີແຂກຖືກເຊີນ, ມີພະນັກງານບັນຊີ ຂອງຫົວໜ່ວຍທຸລະກິດ ແລະ ວິສາຫະກິດບັນຊີ-ກວດສອບເຂົ້າຮ່ວມທັງໝົດຈຳນວນ 107 ທ່ານ;

ການຝຶກດັ່ງກ່າວນີ້ແມ່ນໃຊ້ໄລຍະເວລາ 05 ວັນ  ຄື: ວັນທີ 15-19/05/2023. ຊື່ງການຝຶກອົບຮົມນີ້ແມ່ນໄດ້ຈັດຂຶ້ນຢູ່ທີ່ ສະຖາບັນການເງິນ-ການບັນຊີ (ດົງຄຳຊ້າງ) ການຝຶກອົບຮົມດັ່ງກ່າວແມ່ນໄດ້ລົງເລີກກ່ຽວ: ການກຳນົດຜັງບັນຊີ ແລະ ການເພີ່ມຜັງບັນຊີເຂົ້າໂປຣແກຣມບັນຊີ, ການບັນທຶກບັນຊີເຂົ້າປື້ມບັນຊີປະຈຳວັນ ແລະ ລາຍການປັບປຸງທ້າຍສະໄໝ, ການສ້າງໃບລາຍງານສົມທຽບຜົນໄດ້ຮັບດ້ານບັນຊີ, ອາກອນ, ແລະ ອື່ນໆອິກດ້ວຍ;

​ຈຸດປະສົງຂອງການຝຶກອົບຮົມ ແມ່ນແນ່ໃສ່ ເພື່ອຍົກລະດັບຄວາມຮູ້ ດ້ານວຽກງານການບັນຊີວິສາຫະກິດ ທີ່ໄດ້ປັບປຸງໃໝ່ ໃຫ້ແກ່ພະນັກງານບັນຊີ ຂອງຫົວໜ່ວຍທຸລະກິດ ແລະ ວິສາຫະກິດບັນຊີ-ກວດສອບ ເພື່ອນຳໄປຈັດຕັ້ງປະຕິບັດ ຕົວຈິງ ໃຫ້ມີຄວາມເປັນເອກະພາບກັນ ແລະ ເພື່ອຜັນຂະຫຍາຍ ໃນຂອບເຂດທົ່ວປະເທດ, ພ້ອມນັ້ນ, ຍັງໄດ້ມອບໃບຢັ້ງຢືນ ໂດຍເປັນກຽດມອບຂອງ ທ່ານ ວັນໄຊ ທອງສີທາວົງ, ເຊິ່ງມີຜູ້ຂື້ນຮັບໃບຢັ້ງຢືນ ຈຳນວນ 97 ທ່ານໃນນັ້ນ, ຈາກຄູ່ອາຈານ ສະຖາບັນການເງິນການບັນຊີ ຈໍານວນ 6 ທ່ານ ພະນັກງານບັນຊີ ຂອງຫົວໜ່ວຍທຸລະກິດທົ່ວໄປ ຈຳນວນ 61 ທ່ານ ແລະ ພະນັກງານຈາກບໍລິສັດ ບັນຊີ-ກວດສອບ ຈຳນວນ 30 ທ່ານ;

​ໂອກາດດັ່ງກ່າວ, ທ່ານ ວັນໄຊ ທອງສີທາວົງ, ຍັງໄດ້ໃຫ້ຮູ້ວ່າ: ບັນດານັກສຳມະນາກອນ ທີ່ໄດ້ຮັບໃບຢັ້ງຢືນໃນຄັ້ງນີ້ ແມ່ນໄດ້ຜ່ານການ ຮັບຟັງການນຳສະເໜີ, ພ້ອມກັນຄົ້ນ ຄວ້າ ການບັນຊີສໍາການຜະລິດ, ໂດຍໄດ້ລົງເລິກ ກ່ຽວກັບ ການກໍານົດຜັງບັນຊີ ສະເພາະການຜະລິດ, ບັນດາລາຍການເຄື່ອນ ໄຫວປະຈໍາວັນ, ບັນດາລາຍການປັບປຸງທ້າຍສະໄໝ, ການສ້າງໃບລາຍງານສົມທຽບຜົນໄດ້ຮັບດ້ານບັນຊີ ແລະ ດ້ານອາກອນ, ການຄິດໄລ່ ຕົວເລກເຂົ້າໃນ ໃບລາຍງານກະແສເງິນສົດ, ການສ້າງ ບົດອະທິບາຍຊ້ອນທ້າຍ ເອກະສານລາຍງານການເງິນ ແລະ ການນຳໃຊ້ໂປຣແກຣມບັນຊີ.