ສວ-ບກລ ແລະ ສທຄ ຮ່ວມມືກັນດ້ານວິຊາການ

​ວັນທີ 15 ກໍລະກົດ 2020 ທີ່ຜ່ານມາ ສວ-ບກລ ແລະ ສທຄ ໄດ້ຈັດພິທີ ເຊັນບົດບັນທຶກຊ່ວຍຈໍາ (MoU) ກ່ຽວກັບການຮ່ວມມືກັນທາງດ້ານວິຊາການເພື່ອພັດທະນາບຸກຄະລາກອນທາງດ້ານ ວິຊາຊີບການບັນຊີ ແລະ ກວດສອບ
ຕາງຫນ້າທັງສອງຝ່າຍ ສວ-ບກລ ໂດຍ ທ່ານ ປອ. ນາງ ພິລານີ ພິດສະໄໝ, ປະທານ ສະພາວິຊາຊີບນັກບັນຊີ ແລະ ນັກກວດສອບ ແລະ ທ່ານ ປອ ສັນຕິ ພົນເມືອງລາວ, ຫົວໜ້າ ສະຖາບັນການທະນາຄານ
ພ້ອມກັນນີ້ຍັງມີຕາງຫນ້າຈາກ ກົມບັນຊີ ກະຊວງການເງິນ, ກົມບັນຊີ ແລະ ການເງິນ ທະນາຄານແຫ່ງ ສປປ ລາວ, ຕົວແທນຈາກພາກທຸລະກິດທີ່ຖືກຮັບເຊີນ ພ້ອມດ້ວຍບັນດາຄະນະບໍລິຫານງານຂອງ ສວ-ບກລ ແລະ ບັນດາຄູອາຈານຂອງ ສທຄ ເຂົ້າຮ່ວມເປັນສັກຂີພະຍານເພື່ອໃຫ້ພິທີເຊັນ MoU ໃນຄັ້ງນີ້ມີຄວາມໝາຍຄວາມສໍາຄັນ ແລະ ປະກົດຜົນເປັນຈິງ
ພາຍໃນງານຍັງໄດ້ມີການຈັດເວທີສົນທະນາເພື່ອແລກປ່ຽນຫຼາຍໆຫົວຂໍ້ກ່ຽວກັບການຈັດຕັ້ງປະຕິບັດວຽກງານການບັນຊີ ແລະ ກວດສອບ ເພື່ອເປັນການເຜີຍແຜ່ຄວາມຮູ້ທາງດ້ານວິຊາການໃຫ້ແຂກເຂົ້າຮ່ວມ ເຊັ່ນ: ບັນດາຄູອາຈານ ແລະ ນ້ອງນັກຮຽນພາຍໃນ ສທຄ