ASEAN CPA

ຊົມເຊີຍນັກຊ່ຽວຊານອາຊຽນລຸ້ນທໍາອິດຂອງ ສປປລາວ

         ສວ-ບກລ ຂໍສະແດງຄວາມຍິນດີກັບ ຄະນະ ແລະ ສະມາຊິກຂອງ ສວ-ບກລ ທີ່ຜ່ານການປະເມີນເປັນນັກຊ່ຽວຊານບັນຊີອາຊຽນ (ASEAN CPA) ໂດຍໄດ້ຮັບການຢັ້ງຢືນ ຈາກກອງງານເລຂາສະຫະພັນນັກບັນຊີອາຊຽນ ໃນວັນທີ 30 ກັນຍາ 2023 ທີ່ຜ່ານມາ ຈໍານວນ 13 ທ່ານ, ເຊິ່ງເປັນຊຸດທໍາອິດທີ່ ສປປ ລາວ ຍື່ນສະເໜີສະມາຊິກທີ່ມີຄຸນວຸດທິ ແລະ ປະສົບການສູງ ເພື່ອເປັນນັກບັນຊີອາຊຽນ.

    ຜູ້ທີ່ຜ່ານການປະເມີນແມ່ນຈະມີຊື່ຂຶ້ນໃນເວັບໄຊ້: https://aseancpa.org ເຊິ່ງເປັນທີ່ຮັບຮູ້ ແລະ ຖືກຍອມຮັບໃນບັນດາປະເທດສະມາຊິກອາຊຽນ ສາມາດປະກອບອາຊີບວຽກງານບັນຊີ ແລະ ກວດສອບ ໄດ້ຢ່າງອິດສະລະໃນຂົງເຂດປະເທດສະມາຊິກອາຊຽນ ແລະ ສາມາດເຂົ້າໄປກວດເບິ່ງບັນຊີລາຍຊື່ນັກຊ່ຽວຊານບັນຊີອາຊຽນ (ASEAN CPA) ຂອງລາວຢູ່ໃນໜ້າເວັບຂອງປະເທດລາວໄດ້ທີລິ້ງນີ້: Lao PDR – ASEAN CPA Secretariat
       ສະມາຊິກທ່ານໃດສົນໃຈການສະໝັກເປັນສະມາຊິກນັກບັນຊີອາຊຽນສາມາດຕິດຕໍ່ພົວພັນກັບກອງເລຂານັກບັນຊີອາຊຽນປະຈໍາ ສປປ ລາວ ຜ່ານ ສວ-ບກລ ແລະ ກົມຄຸ້ມຄອງການບັນຊີ ກະຊວງການເງິນ ໄດ້ທີ່ເບີ: 020 55887523, Email: [email protected]