Blog Posts

ເປີດຝືກອົບຮົມຫຼັກສູດ CPA ລຸ້ນ XVI

10/29/2020

ເປີດຝືກອົບຮົມຫຼັກສູດ ວິຊາຊີບຊ່ຽວຊານບັນຊີ (CPA) ລຸ້ນ XVI

ເປີດຮັບຟອມສະໝັກຕັ້ງແຕ່ມື້ນີ້ເປັນຕົ້ນໄປ ແລະ ປິດຮັບສະໝັກ ວັນທີ 27 ພະຈິກ 2020.
ສອບເສັງຄັດເລືອກເຂົ້າຮຽນ ວັນທີ 06 ທັນວາ 2020 (ວັນອາທິດ, ເວລາ 9:00-12:00 ໂມງ, ທີ່ວິທະຍາໄລບຸດວິເສດ) ແລະ ແຈ້ງຜົນເສັງວັນທີ 11 ທັນວາ 2020.
ວັນທີ 19 ທັນວາ 2020 ປະຖົມນິເທດກ່ຽວກັບຫຼັກສູດ ແລະ ລະບຽບການຮຽນ-ການສອນ, ທີ່ຫ້ອງປະຊຸມຂອງສະຖາບັນການທະນາຄານ (ເວລາ 9:00-12:00 ໂມງ) ແລະ ລົງທະບຽນເຂົ້າຮຽນບໍ່ໃຫ້ກາຍວັນທີ 31 ທັນວາ 2020.
ເລີ່ມເຂົ້າຮຽນໃນວັນທີ 09 ມັງກອນ 2021(ເວລາ 9:00-16:00 ໂມງ, ວັນເສົາ-ອາທິດ), ທີ່ສະຖາບັນການທະນາຄານ.
ສາມາດດາວໂຫຼດແບບຟອມໄດ້ດ້ານລຸ່ມ:

registration_form_for_cpa_xvi.pdf
File Size:	285 kb
File Type:	pdf

Download File

0 Comments

ກອງປະຊຸມສະຫຼຸບຜົນການເຄື່ອນໄຫວວຽກງານປະຈໍາປີ 2019

10/17/2020

0 Comments

ຊົມເຊີຍຜົນສໍາເລັດ “ກອງປະຊຸມສະຫຼຸບຜົນການເຄື່ອນໄຫວວຽກງານປະຈໍາປີ 2019 ແລະ ຊົມເຊີຍຜົນສໍາເລັດການເຂົ້າເປັນສະມາຊິກສົມທົບ ສະຫະພັນນັກບັນຊີສາກົນ”ຂອງ ສະພາວິຊາຊີບນັກບັນຊີ ແລະ ນັກກວດສອບລາວ

ໃນວັນທີ 16 ຕຸລາ 2020 ທີ່ຜ່ານມາໄດ້ມີການຈັດ “ກອງປະຊຸມສະຫຼຸບຜົນການເຄື່ອນໄຫວວຽກງານ ປະຈໍາປີ 2019 ແລະ ຊົມເຊີຍຜົນສໍາເລັດການເຂົ້າເປັນ ສະມາຊິກສົມທົບ ສະຫະພັນນັກບັນຊີສາກົນ”ຂອງ ສະພາວິຊາຊີບນັກບັນຊີ ແລະ ນັກກວດສອບລາວ, ທີ່ໂຮງແຮມລາວພລາຊາ
ໂດຍໄດ້ຮັບກຽດເປັນປະທານກ່າວເປີດພິທີໂດຍ: ທ່ານ ບຸນເຫຼືອ ສິນໄຊວໍຣະວົງ, ຮອງລັດຖະມົນຕີ ກະຊວງການເງິນ, ພາຍໃນງານ ໄດ້ມີແຂກຖືກຮັບເຊີນຈາກຫຼາຍ ພາກສ່ວນເຂົ້າຮ່ວມ ທັງບັນດາ ສະມາຊິກຂອງ ສວ-ບກລ, ແຂກພາກລັດ-ເອກະຊົນ ແລະ ຈາກບັນດາສະຖາບັນການສຶກສາຕ່າງໆ.
ໃນໂອກາດນີ້ທ່ານຮອງລັດຖະມົນຕີ ກ່າວຊົມເຊີຍຄວາມຕັ້ງໃຈຂອງສະພາວິຊາຊີບນັກບັນຊີ ແລະ ນັກກວດສອບ ທີ່ໄດ້ສູ້ຊົນປະຕິບັດພັນທະ ແລະ ໜ້າທີ່ຂອງຕົນຢ່າງຫ້າວຫັນ ຈົນໄດ້ຖືກຮັບຮອງເປັນ ສະມາຊິກ ສົມທົບຂອງ ສະຫະພັນນັກບັນຊີສາກົນ (IFAC) ຊຶ່ງເປັນຂີດໝາຍສໍາຄັນ ໃນການຮັບຮູ້ເຖິງການປັບປຸງຄຸນນະພາບວິຊາຊີບການບັນຊີ ໃຫ້ເປັນທີ່ຮັບຮູ້ໃນລະດັບສາກົນ.
ນອກຈາກນີ້, ທ່ານຍັງໄດ້ກ່າວເຖິງຄວາມສຳຄັນຂອງບັນດານັກຊ່ຽວຊານບັນຊີ ທີ່ມີສ່ວນສຳຄັນ ໃນການປະກອບສ່ວນພັດທະນາເສດຖະກິດຂອງຊາດ ແລະ ໄດ້ຮຽກຮ້ອງໃຫ້ບັນດານັກຊ່ຽວຊານບັນຊີ ຈະຕ້ອງມີຄວາມຮູ້ຄວາມສາມາດ ທາງດ້ານວິຊາຊີບການບັນຊີ ແລະ ກວດສອບ ໃຫ້ທັນກັບທຸກສະພາບການໃໝ່ ທາງດ້ານເສດຖະກິດທັງພາຍໃນ ແລະ ຕ່າງປະເທດ, ແລະ ຍັງຕ້ອງມີຈັນຍາບັນສູງ ໃນການປະກອບວິຊາຊີບຕົນ ເພື່ອຮັບໃຊ້ຜົນປະໂຫຍດຂອງສ່ວນລວມ. ພ້ອມທັງຮຽກຮ້ອງໃຫ້ບັນດາ ນັກວິຊາຊີບການບັນຊີ ຈະຕ້ອງຊ່ວຍໃຫ້ບັນດາຫົວໜ່ວຍທຸລະກິດທັງໝົດ ຫັນມາຖືບັນຊີ ແລະ ຕ້ອງໃຫ້ການຖືບັນຊີ ຖືກຕ້ອງຕາມມາດຕະຖານການລາຍງານການເງິນ ສະເພາະສໍາລັບແຕ່ລະຂະໜາດຂອງວິສາຫະກິດ, ຊື່ງກະຊວງການເງິນໄດ້ຮັບຮອງແລ້ວ.

0 Comments

News and Events

ເປີດຝືກອົບຮົມຫຼັກສູດ CPA ລຸ້ນ XVI

ກອງປະຊຸມສະຫຼຸບຜົນການເຄື່ອນໄຫວວຽກງານປະຈໍາປີ 2019

Become a
member

Member Service

Knowledge

LCPAA

News and Events

ເປີດຝືກອົບຮົມຫຼັກສູດ CPA ລຸ້ນ XVI

ກອງປະຊຸມສະຫຼຸບຜົນການເຄື່ອນໄຫວວຽກງານປະຈໍາປີ 2019

Become amember

Member Service

Knowledge

LCPAA

Become a
member